143 illik tikinti bitdi: Dünyanın ən nəhəngi oldu

Antoni Qaudinin Başyapıtı Yeni Rekorda İmza Atıb

Dahi memar Antoni Qaudinin şah əsəri sayılan La Sagrada Familia bazilikası, bu yaxınlarda mərkəzi qülləsinə yeni bir hissənin əlavə edilməsi ilə 163 metr hündürlüyə çatıb. Bu hadisə ilə tikili, indiyə qədər bu rekordu əlində saxlayan Almaniyadakı Ulmer Münster Katedralini geridə qoyaraq yeni bir zirvəyə yüksəlib.

Tamamlandıqda 172 Metrə Çatacaq

Barselona səmasını bəzəyən möhtəşəm abidənin yeni hündürlüyü, Almaniyanın cənubundakı Ulmer Münster kilsəsini cəmi 1 metr fərqlə üstələyib. Ulmer Münster 1890-cı ildə tamamlanmış və 162 metrlik hündürlüyü ilə 134 il ərzində dünyanın ən hündür kilsəsi ünvanını qoruyurdu.

Artıq bu mötəbər ünvan İspaniyaya keçmiş durumda. Lakin rəsmilər, bazilikanın hələ də "tamamlanmadığını" vurğulayırlar. Mərkəzdə ucalan "İsa Məsih Qülləsi" başa çatdıqda 172 metrə yüksələcək və bu, tikilini nəinki Avropanın, həm də dünyanın ən hündür dini quruluşu halına gətirəcək.

İnşaat 143 İldir Davam Edir

La Sagrada Familianın təməli 1882-ci ildə qoyulub. Memar Qaudi, bu nəhəng tikilinin öz ömründə bitməyəcəyini bilirdi və vəfat etdiyi zaman yalnız bir qülləsi tamamlanmışdı.

İllər ərzində müxtəlif memarlar layihəyə öz töhfələrini versələr də, Qaudi'nin orijinal vizyonu qorunub saxlanılıb. Abidənin tikintisi tamamilə ziyarətçilərdən əldə olunan gəlirlər hesabına maliyyələşdirilir. Təkcə ötən il 4.9 milyon insan giriş bileti alıb və bu ziyarətçilərin 15 faizi Amerika Birləşmiş Ştatlarından (ABŞ) gəlib.

On İl Ərzində Tamamlanması Gözlənilir

Kilsə rəsmiləri, bazilikanın daxili bəzəklərinin və fasad detallarının növbəti on il ərzində tamamlanmasının planlaşdırıldığını açıqlayıblar. 2026-cı il, memar Antoni Qaudinin ölümünün 100-cü ildönümü olacaq. Bu xüsusi ildə bazilikada memarın irsini anmaq üçün bir sıra tədbirlər təşkil ediləcək.

24 saat